صباح الخير موضوع جديد له علاقة بالتخطيط و تنفيذ اى مشروع حتى لو بسيط كتير منا بعد ما يبعد فى عمل حاجة بيزهق و يتعطل و ميعرفش يرجع تانى دى شوية نصايح تساعدكم على التغلب على المشكلة دى 🌷كيف تنهي ما بدأت؟🌷 ١-لازم نكون انتقائيين في المشروع اللى حنبدأ فيه يعني لا نبدأ فى اي حاجه و خلاص لازم نختار الحاجة اللى بنحبها و يكون عندنا شغف بها . ٢-نعمل تقييم للمصادر اللي هنحتاجها في تنفيذ الحاجه او المشروع وده طبعا هيخلينا نعرف ايه اللي احنا متوقعين نلاقيه . ٣- ترتيب الوقت وتوزيع الطاقه الخاصه بنا كويس قوي علشان نقدر نخلص المشروع بتاعنا في وقت قياسي وما يبقاش فيه اي تاخير. ٤- لازم نتوقف أن نكون مثاليين زياده عن اللزوم لان ممكن نكون مهوسين بحاجة وحاطينها في دماغنا قوي في الآخر تطلع مش مهم او مش بالاهمية اللى احنا كنا عطينها للنقطة دى يعنى لازم دايما نبص على النظرة الاشمل للوضع . ٥-الالتزام ثم الالتزام بكلمتنا حتى تجاه نفسنا و الالتزام بالخطة و الخطوات اللى وضعنها لتنفيذ المشروع ده . ٦- في الاوقات اللي بنحس فيها بالاحباط لازم نكون على اتصال بالشكل النهائي للمشروع يعني دائما نحط قدامنا الشكل النهائي للمشروع او الحاجه اللي احنا بنشتغل عليها علشان في اي وقت نحسب احباط و احنا شغالين نبص لها فتساعدنا على استعادة نشاطتنا و شغفنا بالوصول للنهايه و للشكل اللي احنا عايزين المشروع بتاعتنا يوصله . ٧- لا بد من قياس ادائنا طول الفتره اللي احنا شغالين فيها اللي بيساعدنا نحدد فين مواطن الضعف و مواطن القوه ونركز على الحاجات اللي فيها مواطن الضعف. ٨- لازم كل ما ننجز مرحله من المشروع نفرح و نحتفل به ده علشان ده يحسن نفسيتنا ويدينا دفعه لاكمال مشروع مالا نهايه. ٩- في حاله اننا حسينا ان المشروع اللي احنا شغالين عليه مش هو ده اللي احنا نفسنا نعمله او مش هو ده اللي بيلبى طلباتنا لازم نتركه في الحال و ما نكملش فيه لانه استنزاف لطاقتنا على الفاضي. ١٠- و احنا بنشتغل لازم نتبع الطريق اللي يحقق لما اقصى متعه علشان نعطى الشغل بتاعنا حقه و نطلع نتائج كويسه ده مايمنعش ان فى بعض الاحيان حنواجه صعوبات ولكن كله هيتحل بالترتيب والتخطيط لكل حاجه. myworld myhappyplace myphotos myshots motivation_quotes morning wisdom shahira_world tip_of_the_day daily_affirmations howtofinishwhatyoustart shahira_tips planningadvice planningtips planningcommunity تصويري📷 نصيحة_بلانريستا كيف_تنهى_ما_بدأت تخطيط

393

Featured Posts